التخطي إلى المحتوى الرئيسي

طريقة عمل البامية باللحمة وملوخية

طريقة عمل البامية  باللحمة وملوخية والرز بالشعرية 
هنتكلم عن موضوع انهاردة وهو طريقة البامية للمبتدئين والملوخية والرز بالشعرية وطبعا الملوخية الخضرة موجودة طول السنة عادي 
إنما البامية موجودة في الصيف فقط وهي من الأكلات اللذيذة والمفيدة اللي كلنا بنحبها جدا وخصوصا مع اللحمة الضاني أو اللحمة البلدي الموزة والملوخية ممكن تكون مع شوربة فراخ او شوربة لحمة عادي

مكونات البامية
بامية
بصلة صغيرة
توم
طماطم
صلصة
لحمة موزة أو بلدي
ملح 
فلفل اسمر

مكونات الملوخية
ملوخية خضرة أو ناشفة
ثوم
شوربة فراخ او لحمة
مرآة دجاج
ملح 
كسبرة ناشفة

مكونات الأرز
شعرية
رز
مية
ملح

طريقة عمل البامية
هنجيب بصلة وثوم و نفرمهم في وعاء عميق ونحط ربع كوب زيت او معلقة سمنه ونحط البصلة والتومة فيها ونقلب لحد ماتاخد اللون الأصفر أو الذهبي ونقلب ونحط اللحمة ونقلب لأحد ماتنزل ظفرتها 
ونقلب كويس ونحط كوب مية ونسيبها تغلي 10 دقائق ونقلب مع مراعاة عدم الحرق أو التصاقها بالحلة ونقلب كويس ونضرب الطماطم بالخلاط ونحطها ونحط معلقتين صلصة وملح وفلفل اسمر  مرآة دجاج ونقلب مع تزويد مية كل شوية لعدم الحرق ونحط بهارات نكون جمعنا البامية وبعد غلي اللحمة بساعتين نحط البامية ونسبها 10 دقايق تغلي وتستوي ونطفي عليها وبالهنا والشفا

طريقة عمل الملوخية
طبعا تخرط الملوخية وبعدين نحط نجيب 2 كوب شوربة ونحط مرآة ونضرب الطماطم والتوم بها ونسبها تاخد غلوتين وننزل بالملوخية 
ونقلب نقلب وبعد ذلك نفرم الثوم مع كزبرة ناشفة ونحمرها في معلقة سمنة لحد ماتاخد اللون الذهبي وبعدين نحطها ودي تبقي طاسة الملوخية في حلة الملوخية ونديها غلوة وبالهنا والشفا

طريقة الرز بالشعرية للمبتدئين
هنجيب وعاء ونحط ربع كوب زيت ونحط شعرية ونقلب لحد ما تاخد اللون الذهبي ونحط الملح ونقلب وبعد ذلك هنغسل الرز 
ونحطوا ونظبط المية ونوطي لحد ما يتشرب المية  
وبالهنا والشفا
وعندي طريقة تانية للرز
هنجيب وعاء عميق ونحط ربع كوب زيت ونجيب الرز واغسلوا 
ونحط على الوعاء حبة رز ونقلب لحد ما ياخد اللون الذهبي 
ونقلب كويس علشان ميلزقش ونحط ملح ونحط رز من العادي ونقلب كويس ونحط مية ونزلها لأحد مانوطي وبالهنا والشفا 

هنحط سلطة أو مخلل وبالهنا والشفا وكل سنة وانتم طيبين وبالهنا والشفا 

تعليقات