التخطي إلى المحتوى الرئيسي

طريقة عمل بطاطس باللحمه ورز بالشعريه كريب الحلو

طريقة عمل بطاطس باللحمه ورز بالشعريه كريب الحلو

دلوقتي معانا طريقة عمل بطاطس باللحمة ورز بالشعرية والكريب الحلو طبعا البطاطس أكلة مستغناش عنها ويمكن نكون بتعملها بطريقة أسبوعية لأنها مبينة فوائد كتير وكلنا بنحبها وطبعا لازم يتعمل جنبها رز بالشعرية وسلطة ويا سلام لو في مخلل كمان 
او باذنجان بالدقة التوم والفلفل وكمان هنحلي بطريقة عمل كريب الحلو اللي هي بالشكولاته وتقريبا البنات دلوقت بقوا محترفين في الطبخ في البيت وعمل الحلويات وبقوا يعملوا أصناف جديدة 

مكونات البطاطس باللحمة
لحمة بلدي
بطاطس
توم
بصل
طماطم 
ملح 
فلفل اسمر
كمون 
بهارات
مرآة دجاج 
صلصة

مكونات الارز بالشعرية
رز
شعرية
زيت
ملح
مية
طريقة عمل بطاطس باللحمة….
اولا هنجيب وعاء ونحط ربع كوب زيت ونقطع البصل و الثوم و ندقهم 
ونحطهم على الزيت لأحد ماياخدوا اللون الذهبي ونقلب وبعدين نحط اللحمة ونقلب لحد ما ياخدوا لون ومذاق البصل والتوم وبعدين نحط كوب مية ونقلب ونديه غلوتين وبعدين نضرب طماطم في الخلاط وننزل علي اللحمة ونحط معلقتين صلصة وملح وفلفل اسمر وبهارات وكمون ومره دجاج ونسيبها تغلي ساعتين لحد ماتستوي 
نقشر البطاطس ونقطعها بالطول وبعدين ننزل على الطماطم تاخد غلوة عشر دقائق كمان وبكدة تكون استوت وبالهنا والشفا 
طريقة عمل الارز بالشعرية..
اولا هنجيب وعاء ونحط ربع كوب زيت وننزل بالشعرية ونقلب لأحد ماياخد لون ونحط ملح ونغسل الرز ونحطوا ونقلب ونحط مية ونزلها زي ما احنا عارفين ونوطي عليها بالهنا والشفا 

مكونات كريب الحلو
بيض
دقيق
ملح
سكر
 شكولاته نوتيلا
لبن
مكسرات
طريقة عمل الكريب الحلو…
اولا هنضرب البيض في الدقيق في سنة ملح وسكر في لبن ونضربهم في الحالة ونجيب طاسة واسعة تيفال ونحط فيها حبة من الخلطة بالتساوي حتى نعمل طبقة رقيقة جدا ونقلبها على وجهها الثاني
لاحد ماتبقي زي العيش السوري وبعد نعمل بقي علي حسب العدد اللي تحبوا كم رغيف وبعدين نحط شكولاته من جوة بالقمقدار اللي نحبوا وبعدين مكسرات نكون مكسرنها ومحمصنها وحطيت. زي مانحب ونعمل شكل مثلث أو رول وبالهنا والشفا والسلام عليكم ورحمة الله وبركاته انتظرونا في مواضيع قادمة

تعليقات